অনলাইন শিক্ষালাভৰ পৰা বঞ্চিত দৰিদ্ৰ পৰিয়ালৰ শিশু সকল

ইৰাণী বৰগোঁহাই, ১৩, যুঃসাং. ধেমাজিঃ ক’ভিড-১৯ পৰিস্থিতিৰ বাবে স্বাস্থ্যখণ্ডৰ লগতে আটাইতকৈ বেছি ক্ষতিগ্ৰস্ত হোৱা দেখিবলৈ পোৱা গৈছে। শিক্ষা বিভাগে ইতিমধ্যে শিক্ষাগ্ৰহণৰ যি ব্যৱস্থা কৰিছে, দুখীয়া পৰিয়ালৰ ছাত্ৰ-ছাত্ৰীৰ সকলৰ বাবে ই সম্ভৱ হৈ উঠা নাই। কাৰণ এটা স্মাৰ্টফোন ১০-১২ হাজাৰ টকা খৰচ কৰি অভিভাৱকে ছাত্ৰ-ছাত্ৰী সকলৰ হাতত তুলি দিবলৈ অপৰাগ। এনে পৰিস্থিতিত গ্ৰাম্যাঞ্চলৰ ছাত্ৰ-ছাত্ৰীৰ শিক্ষাৰ মানদণ্ড দুখ লগাকৈ ক্ষতি হ’ব। এনে পৰ্যায় পাইছে যে বহু ছাত্ৰ-ছাত্ৰীৰ কিতাপ পত্ৰৰ লগত একেবাৰে সম্বন্ধ নোহাৱাৰ উপক্ৰম হৈছে। তেনে এক পৰিস্থিতিৰ উদাহৰণ ধেমাজি জিলাৰ ধেমাজি শিক্ষা খণ্ডৰ অন্তৰ্গত কোৱাফলা গাওঁ। এই গাঁৱৰ সক্ৰিয় মইনা পাৰিজাত, প্ৰগতিশীল মইনা পাৰিজাতৰ বহু দৰিদ্ৰ পৰিয়ালৰ মইনা পৰিয়ালৰ মইনা বৰ্তমান সময়ত শিক্ষাৰ পৰা বঞ্চিত হৈ আছে। বৰ্তমান সময়ত কৰ’ণা ৰোগতকৈয়ো এই শিক্ষাৰ দিশবোৰ অধিক দুৰ্যোগৰ বিষয় হিচাপে বিবেচিত হৈছে য’ত ছাত্ৰ-ছাত্ৰীৰ ভৱিষ্যতৰ কথা জড়িত হৈ আছে।


SUBSCRIBE TO OUR NEWSLETTER


ওপৰলৈ যাওক