প্ৰেৰণা পাত্ৰ, ১৪ যু.সাং. ধেমাজিঃ দেমাজি জিলাৰ মাছখোৱা উন্নয়ন খণ্ডৰ অধীনৰ দেওঘৰীয়ৰ পৰা বালিজান হালধিবাৰী হৈ চিচিকলঘৰলৈ যোৱাৰ পথত লাইপুলিয়া নদীৰ ওপৰত থকা দলংখন বছৰৰ প্ৰথমটো বানতে উটোৱাই নিয়াৰ ফলত বৰ্তমান নাৱেৰে পাৰঘাটৰ ব্যৱস্থা অতি বিপদসংকুল হৈ পৰিছে। মাছখোৱা আৰু চিচিবৰগাওঁ উন্নয়ন খণ্ডৰ সীমাইদি বৈ যোৱা লাইপুলিয়া নদীখনৰ ওপৰেদি দৈনিক হাজাৰোধিক যাত্ৰী অহা-যোৱা দুৰ্বিষহ হৈ আহিছে। প্ৰতিবছৰে বাৰিষা দলং উটোৱাই নিয়াৰ ফলত ছাত্ৰ-ছাত্ৰী সকলৰ লগতে শিক্ষক কৰ্মচাৰী সময়মতে নিজ নিজ কৰ্মস্থানত উপস্থিত হ’ব নোৱাৰে। স্থানীয় ৰাইজে এই ঠাইখিনিৰ সংযোগ ব্যৱস্থা উন্নত কৰিবৰ বাবে এখন পকী দলং নিৰ্মাণৰ হেতু চৰকাৰৰ প্ৰতি দাবী উত্থাপন কৰিছে।