যোৱা ছেপ্টেম্বৰ মাহত পুষ্টিকৰ মাহ হিচাপে ৰাইডাং চাহ বাগিচাত প্ৰত্যেক ০-৫ বছৰৰ ল’ৰা-ছোৱালীৰ স্বাস্থ্য আৰু ওজনৰ ওপৰত গুৰুত্ব প্ৰদান কৰি এবিটা (ABITA) কৰ্মকৰ্তা আৰু আশা, অংগনবাদীৰ সহযোগত VHND আৰু Immunisation Camp সমূহ মনিটৰ কৰি যোৱা হয়। দেখা গ’ল যে কিছুমান ল’ৰা-ছোৱালীৰ বয়স অনুপাতে ওজন কম আৰু স্বাস্থ্যও ভাল নহয়। সেই ল’ৰা-ছোৱালীবোৰক পুনৰ ভাল স্বাস্থ্যলৈ ঘূৰাই আনিবলৈ এবিটা (ABITA) ৰ উদ্যোগত আশা অংগনবাদী গোটৰ লগ হৈ পুষ্টিহীনতাত ভূগা ল’ৰা-ছোৱালী বিলাকৰ ঘৰৰ পৰ্য্যবেক্ষণ কৰি মাক-দেউতাকক লগ ধৰি তেওঁলোকৰ স্বাস্থ্যৰ বিষয়ে কথা পাতি চিকিৎসকৰ ওচৰলৈ লৈ যোৱা হয়। লগতে, এফ.এফ.এল (FFL) ভিডিওত থকা পৰিপুষ্টি আৰু বৃদ্ধি (Nutrition and Growth) ৰ খণ্ডটো মাক সকলক দেখুৱাই ল’ৰা-ছোৱালীৰ কেনেদৰে যত্ন কৰিব লাগে সেই বিষয়ে বুজোৱা হয়। শিশু এটাক কেনেদৰে গাখীৰ খুৱাব লাগে, জন্মৰ পৰা ৬ মাহলৈ কেৱল মাকৰ গাখীৰ, লগতে ৬ মাহৰ ওপৰৰ শিশুক মাকৰ গাখীৰৰ ওপৰিও সেউজীয়া শাক-পাচলি, ফল-মূল, ভাত, ৰুটি, দাইল, আইৰণযুক্ত আহাৰ ইত্যাদি নিয়মীয়াকৈ খুৱাব লাগে। লগতে মাতৃ গৰাকীয়েও উপযুক্ত আহাৰ সেৱন কৰিব লাগে। তেওঁলোকক সময়ে সময়ে নিৰীক্ষণ কৰি কৰি পুষ্টিহীনতাত ভোগা ছাত্ৰ-ছাত্ৰীৰ স্বাস্থ্যৰ উন্নতি হৈছে নে নাই তাৰ বুজ লোৱা হয়। এনেদৰে বহুতো পুষ্টিহীনতাত ভোগা শিশুৰ স্বাস্থ্যৰ উন্নতি হৈছে, তেওঁলোকৰ সুস্বাস্থ্য ঘূৰি আহিব ধৰিছে। এই ক্ষেত্ৰত মই ৰাইডাং ৮ নং লাইনৰ এটি শিশুৰ, যিয়ে পুষ্টিহীনতাত ভূগিছিল, তেওঁৰ বিষয়ে উল্লেখ কৰিব বিচাৰিছো।

 শিশুটিৰ নাম ৰিচভ ঠাকুৰ, বয়স ৪ মাহ। শিশুটিৰ মাকৰ নাম মধু কুমাৰী আৰু দেউতাকৰ নাম মুন্না ঠাকুৰ। যোৱাটো দুমাহত ৰিচভৰ ওজন ২ কেজি ৩০০ গ্ৰাম আছিল। পিছত অংগনবাদী, আশা কৰ্মী ইত্যাদিসকল লগ হৈ মাক-দেউতাকক বুজাই ল’ৰাটোৰ ভালদৰে চোৱা-চিতা কৰি সময়মতে গাখীৰ খুৱাই ওজন লয়। বৰ্তমান ৰিচভ ঠাকুৰ সুস্থ অৱস্থালৈ ঘূৰি আহিছে আৰু ওজন দিনক-দিনে বাঢ়িবলৈ ধৰিছে।

 ৰিচভৰ মাকৰ সৈতে আলোচনা কৰাত তেখেতে কয়, “মোৰ ল’ৰাটো ২ মাহ বয়সত ওজন কমি পুষ্টিহীনতাত ভুগিছিল। অংগনবাদী কেন্দ্ৰত এবিটা (ABITA) ৰ উদ্যোগত ওজন লোৱাত, মোৰ ল’ৰাৰ ওজন কম হৈ থকাটো চিনাক্ত হয়। তাৰ পিছত মবিলাইজাৰ, আশা, অংগনবাদী বাইদেউ সকলে আহি বুজাই দিয়ে যে শিশুক কেনেকৈ গাখীৰ খোৱাব লাগে, কি খাব লাগে, টিকাকৰণ সময়মতে কৰোৱা ইত্যাদিৰ বিষয়ে সুন্দৰভাৱে বুজাই দিয়ে আৰু ময়ো সেইমতে কৰিব ধৰিলো। বৰ্তমান মোৰ ল’ৰা সুস্থ অৱস্থাত আছে আৰু ওজনো বাঢ়ি আহিছে। মই এই ক্ষেত্ৰত এবিটা (ABITA) ক ধন্যবাদ দিব বিচাৰো, এনেকুৱা কাম-কাজৰ মাধ্যমেৰে ল’ৰা-ছোৱালীৰ বৃদ্ধি-বিকাশৰ ওপৰত গুৰুত্ব প্ৰদান কৰি তেওঁলোকৰ স্বাস্থ্যৰ ওপৰত গুৰুত্ব প্ৰদান কৰি মানুক সজাগ কৰাৰ যি গুৰুত্বপূৰ্ণ ভূমিকা গ্ৰহণ কৰিছে, তাৰ বাবে কৃতজ্ঞতা প্ৰকাশ কৰিছোঁ। মোৰ ল’ৰাৰ অপুষ্টিৰ কথা যদি সময়মতে নাজানিলো হয়, তেনেহ’লে হয়তো আজি মোৰ ল’ৰা নাথাকিল হয়। সেয়েহে, মই মবিলাইজাৰ, আশা আৰু অংগনবাদী বাইদেউ সকলকো ধন্যবাদ জ্ঞাপন কৰিছোঁ।